काठमाडौं । आज मिति २०७७ साल पौष ५ गते आइतवारका दिन सम्माननीय राष्ट्रपति श्रीमती बिद्यादेवी भण्डारी ज्यूले नेपालको संविधानको धारा ७६ को उपधारा १ र ७ तथा धारा ८५ एवम् संसदीय प्रणालीको आधारभूत मर्म एवम् मूल्य मान्यता तथा हाम्रो आफ्नै र संसदीय प्रणाली भएका बिभिन्न मुलुकहरुको अभ्यास बमोजिम संघीय संसदको बर्तमान प्रतिनिधि सभा बिघटन गरी ताजा जनादेशका लागि नेपाली जनता समक्ष जान मिति २०७८ साल बैशाख १७ गते शुक्रबार पहिलो चरणमा र मिति २०७८ साल बैशाख २७ गते सोमबार दोस्रो चरणमा अर्को प्रतिनिधि सभाको निर्वाचन सम्पन्न गर्ने गरी निर्वाचनको मिति तोक्न नेपाल सरकार, मन्त्रिपरिषद् बैठकबाट निर्णय भइ सोही बमोजिम सम्माननीय प्रधानमन्त्री बाट सिफारिस भएकोले उक्त सिफारिस बमोजिम संघीय संसदको बर्तमान प्रतिनिधि सभाको बिघटन गरी मिति २०७८ साल बैशाख १७ गते शुक्रबार पहिलो चरणमा र मिति २०७८ साल बैशाख २७ गते सोमबार दोस्रो चरणमा प्रतिनिधि सभाका निर्वाचन सम्पन्न गर्ने गरी निर्वाचनको मिति तोक्नु भएको छ ।
स्रोत : राष्ट्रपतिको कार्यालय
