काठमाडौँ – कोरोना संक्रमणको जोखिम कायमै रहेकाले उपत्यकामा जारी निषेधाज्ञा अझै थपिने भएको काठमाडौँको प्रमुख जिल्ला अधिकारी कालीप्रसाद पराजुलीले जानकारी दिएका छन ।
प्रजीअ कालीप्रसाद प्रजुलीले ‘आज कोभिडको तथ्यांक कस्तो आउँछ, त्यसलाई विश्लेषण गर्दै अपराह्न ४ बजेपछि निषेधाज्ञाबारे थप निर्णय गर्नेछौँ,’ भनेर भने । उपत्यकामा पछिल्लोपटक जारी निषेधाज्ञा सोमबार राति १२ बजे सकिँदैछ ।
जारी निषेधाज्ञामा समय तोकेर सबै किसिमका पसलहरु जस्तै मोटरसाइकिल, जीप, कार, भ्यान, ट्याक्सीलगायतमा जोर–बिजोर लागु गरी खोलिने छ।
सार्वजनिक सवारी–साधन, विद्यालय, मठ–मन्दिर, पार्टी प्यालेसलगायत बन्द नै रहनेछ । संक्रमण अझै घटेको अवस्थामा सार्वजनिक यातायात पनि जोरविजोरको आधारमा चल्न दिने प्रजिअ पराजुलीले बताए ।
काठमाडौं उपत्यकामा वैशाख १६ गते निषेधाज्ञा शुरू हुँदा काठमाडौँ उपत्यकामा नै दैनिक ३ हजारभन्दा बढीमा संक्रमण पुष्टि हुँदै आएकोमा यो संख्या अहिले ५ सय हाराहारीमा छ ।
संक्रमण घट्दै जाँदा सरकारले उडान पनि खुलाउने निर्णय गरिसकेको छ ।
